拳王泰臣竟然都玩微博，唔知係咪因為要引起大家注意，佢噚日開通微博後，劈頭第一句就帶有挑釁性問：「誰是中國最好打的？」網民當下想起號稱「宇宙最強」嘅甄子丹。泰臣睇到留言話：「甄子丹！我也聽說過他，葉問嘛！我時刻都期盼有一天能與他真人會一會面，與他促膝詳談格鬥的真諦！」
擬合演新戲
泰臣冇啦啦提起甄子丹，原來係因為《特殊身份》嘅內地投資公司準備出年開拍續集，計劃搵泰臣同子丹合作。噚日馮仁昭同子丹求證，佢話：「好似電影公司傾緊，我哋係互相欣賞，所以如果有機會我都想同佢食吓飯，傾吓偈！唔使吓吓講到見面就要擺擂台咁。」
另外，噚日子丹都有喺微博回應泰臣嘅話：「看過了他所有的格鬥，精采！」子丹下半年會有《特殊身份》、《大鬧天宮》同《3D冰封俠》上映，難怪佢噚日一早喺微博晒咗一張肌肉相出嚟，仲留言：「久違的身形，今年要重振雄風！」
撰文：馮仁昭
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24