荷李活導演米高曼（Michael Mann）上月在港多個地方取景拍攝新片《Cyber》，其中一個拍攝場地係中環恒生總行地下，拍咗五晚。為表謝意，米高曼最近以恒生銀行（011）名義，捐出30萬元畀公益金。
恒生同金益金已經合作25年，前一姐梁高美懿係公益金執行委員會主席，現任一姐李慧敏亦係董事會董事，米高曼要多謝恒生，捐錢去公益金都好合理。
米高曼上月底借用恒生總行地下拍攝，嗰場戲唔係講打劫銀行，只係利用靠近一排櫃員機嘅對出位置，當做地鐵站出入口，拍主角們嘅追逐鏡頭，「雷神」基斯咸士禾夫（Chris Hemsworth）、湯唯、王力宏等主要演員連續幾晚喺嗰度拍攝。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24