皇家馬德里喺新一季西甲贏得算驚險，主場迎戰貝迪斯先失守下靠新兵艾斯高完場前建功反勝2:1。總算叫做全取3分，全隊上下可以鬆番口氣慶祝吓。但相信門將卡斯拿斯就例外喇。「聖卡斯」喺上季俾摩連奴雪藏，諗住今夏新官上任有運行，點知安察洛堤喺周日場波繼續安排佢做後備，令佢連續7個月冇喺主場正選上陣。另外，安帥隻右眼受咗傷，要眼紅紅咁領軍，唔講仲以為場波佢睇到眼火爆。仲有呀，皇馬都未傾掂收購加里夫巴利，喺西班牙就已經有舖頭心急搶先賣巴利嘅11號皇馬波衫。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange