中環人食晏最頭痛，食肆係多，但係勁多人排隊，或者超貴，相信唔少中環人希望公司設有唔難食嘅飯堂。渣打銀行高層就好有心嘞，翻新中環渣打總行時，執過三層嘅擺位同用途，其中一層開咗間員工飯堂。
simplylife經營
呢間渣打飯堂本月初開業，環境靚就唔在講，由美心集團旗下simplylife經營，呢個品牌喺中環、金鐘都有分店，每逢午飯時間，門口條隊都水蛇春咁長，就知質素有保證，可惜呢間飯堂只有渣打員工可以入去㗎咋。
翻新過後，中環渣打總行地下至一樓都係銀行，以前地下一層分租畀其他商舖。𠵱家地下分行走自動化型格路線，一樓係優先理財客戶服務中心，玩可愛概念，擺咗隻啤啤熊同長頸鹿做裝飾。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24