業績期過咗差唔多一半，好多股份派完成績表後見光死。煤炭股之前炒得好勁，雖然仲未公佈業績，但兗煤（1171）已自爆兗煤澳洲轉蝕53億元！神華（1088）首七個月煤炭銷量增長一成都唔夠。買咗煤炭股嘅散戶認真要小心。
摩通料再跌15%
今個月基本上都係炒股唔炒市，如果唔小心，買咗績差股，就記得要夠狠心「止蝕」！就好似百盛（3368）上星期五（16日）派成績表，中期業績差兼減派息，多間大行勁齊心，建議先沽為妙，百盛昨日當然即插逾9%收3.19元。
德銀指，百盛節省成本空間有限，又要面對租金壓力。次季少賺逾五成，跌幅超過首季的27%，導致中期盈利倒退38%至3.25億人仔，令市場心碎。
摩通更指出百盛最大致命傷，便是經營成本急升，花太多錢去翻新店舖。同時，百盛又要面對同類型商場搶走唔少人流，故預料下半年同店銷售增長都唔會有顯著改善，將目標價削25%至2.7元，即是較現價仍有15%潛在跌幅。
睇番百盛盤數，首季盈利2.27億人仔，反映次季只係賺9,800萬人仔。百盛靠傳統零售經營，已開始敵不過消費者轉向網上購物的打擊。
若從技術走勢睇，股價由年頭開始45度向下跌，本來近日有番少少起色，但昨日巨型陰燭，已是再轉弱勢的訊號。
瑪姬兒
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange