【本報訊】一群「終極高考」的考生，變成了轉學制的「遺孤」。原因是大學非聯招早於5、6月考慮收生，但高考7月底才放榜，導致有考得3A1B1D的考生「高分落榜」，灰到「諗過想死」。Keith情況相若，滿以為1A2B1E可順利入大學，到頭來卻發現「被騙」。
記者：伍雅謙
去年高考，Keith在中文科及世史科取得B級，中史科在覆卷時，發現被考評局弄丟最後一張答題紙，以致僅僅及格；不過，最累事的是英文科「肥佬」，令他失去升大學機會。他隨即致電各大學查詢，確定今年高考的重考生，可以非聯招方式申請報讀大學；於是他決定重考英文及中史。
朝十晚六溫習全白費
過去一年，Keith每天朝十晚六在自修室溫習，有時更溫至晚上10時；將過往20年的試卷重做了三次、又閱讀英文報紙、收聽英文電台，不敢稍有鬆懈，「我冇退路（明年停辦高考），一旦再fail（不及格），呢一年白費晒，壓力真係好大」。
7月30日放榜當天，他上網查看成績，見到中史奪A、英文及格，「好開心、好雀躍！即刻（從房間）衝出去，叫埋屋企人一齊嚟睇，終於過咗個難關喇」。根據往年收生標準，他相信以自己的1A2B1E成績，可順利升學，「我嗰時諗，我可能仲有揀科嘅選擇權」，更開始籌備大學生活。
他報讀了理大、城大、浸大及嶺大的社會科學及社工系。不過，放榜後，一直無收到任何院校的面試或錄取通知，「好錯愕，唔知發生咩事，學位差唔多派晒」。還有兩個星期，多間大學就要開學了。
他曾致電四間大學查詢，理大及浸大指若不獲面試，取錄機會不大；城大及嶺大則着他繼續等。Keith表示，已「打定輸數」。花了三年時間應付高考，現感前路一片茫然，他感到被遺棄和受騙，「（當初）如果你哋唔係咁講嘅話，我哋係唔會貿然去retake（重考）㗎」。
另一名考生Roger向《蘋果》說，他曾向城大查詢不獲取錄原因，獲覆高考放榜時間太遲，學院未有足夠時間處理。Roger怒指：「同原本冇可能收我哋有咩分別？直情係戲弄緊我哋！」
怒斥教局無合適安排
一班高考生在facebook開了群組，怒吼「有成績，冇學位」，批評教育局既無合適安排，「當初就唔應該提出有呢條路」，令他們「變咗轉學制嘅犧牲品」。其中一名考生指，重考後成績有3A1B1D，「卻因黑暗嘅教育制度而扼殺咗我入讀大學嘅機會，人生變到好灰，我明白點解放榜生要自殺」。
香港理工大學應用社會科學系講師崔日雄指，按往常聯招收生，以Keith的成績，有機會獲大學取錄；但今年高考生只能報非聯招，非聯招一般會在5至6月考慮收生，高考7月30日才放榜，除非院校即時檢閱成績，否則難以趕及8月9日聯招放榜前取錄；到聯招放榜後，學位已所餘無幾。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24