自從失落特首寶座，唐唐不時同太太郭妤淺拍住拖四出遊埠嘆世界，亦有好多時間同屋企人享受天倫樂。好似噚日朝早約11點咁吖，當狼英繼續做落區爛騷，準備去觀塘俾市民柴台之時，八方發現唐唐則全家總動員，同太太、囝囝及囡囡一齊喺九龍塘又一城嘅Pacific Coffee，同普通市民一樣，優哉游哉坐埋一枱嘆咖啡。
唐唐見到八方同事影相，不單止冇黑面，仲笑笑口望向鏡頭揮手；一家大細最終約12點離開，唐太臨別前，亦回望記者揮手道別。唐唐透過發言人話，喺外國讀書嘅囡囡返港放暑假，梗係把握時共敍天倫。唔少網民睇見唐唐一家人咁自由自在，都話塞翁失馬，焉知非福？
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24