好多人認為做空姐其中一個好處，就係有機會識到有錢人，從此嫁入豪門，生活無憂。國泰航空（293）行政總裁史樂山（John Slosar）太太Joy Slosar廿幾卅年前喺國泰做空姐，冇揀有錢人，揀咗有錢/前途嘅史樂山，結果明年就升呢，成為太古A（019）主席阿太嘞。
曾做公司代言人
太古系上周五公佈，主席白紀圖明年3月退任，由史樂山頂上，史樂山喺集團33年，57歲攀上主席之位，認真唔簡單。佢2007年調任國泰前，係太古飲料CEO，於是乎，佢每次主持國泰記者會，面前總有一樽可口可樂，賣免費廣告賣到出面，難怪英國老闆錫晒佢。
佢仲要娶一位國泰空姐做老婆，同集團關係密切到不得了。史樂山太太Joy係泰國人，80年代初做國泰空姐，靚女到被公司揀做代言人，即係影張靚女相做紙板公仔嗰種，史樂山果然有眼光。聽聞兩人婚後，Joy就專心相夫教子，兩人育有一對仔女，阿女都差唔多20歲。
舊年3月國泰舉行業績記者會，史樂山太太就曾經着住成套高貴嘅黃色套裝，坐喺台下默默地為史樂山打氣。明年3月之後，佢就可以主席太太身份為史生打氣了，由空姐變為主席阿太，應該都係傳奇。
李華華
mailto:[email protected]
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24