噚晚三號嘅準動主播鄭倩薇（花花），喺低碳三十閉幕音樂會中訪問咗好多明星。性格斯文嘅佢一去到就搵啲現場人士問下佢哋咩係低碳，不過其間食咗好多檸檬，當然最後都成功訪問到唔少街坊啦。
喺活動期間花花撞到DJ當奴，原來花花好喜歡奴奴，仲講到出口，當奴聽到都嚇一跳。而當奴對呢位準動主播都俾咗少少意見，佢話：「其實都算合格，因為佢個子細粒樣怕羞，但講嘢字正腔圓，如果下一步可以主動啲 ，聽到嘉賓講咩有咩反應，咁就可以互動啲。」
花花亦滿意自己嘅表現，不過隊長吉吉對佢要求好高，不時提佢要Hyper啲，而花花就話好多謝大師兄嘅幫助令佢可以表現到水平以上。
12位參賽者會有何表現？大家記得密切留意！
【動主播出更】
http://anchor.appledaily.com
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！