「爸爸辛苦你了！」香港桌球「1哥」傅家俊（Marco、圖），上月中喺澳洲公開賽奪冠時，太太Shirley同囡囡包包（小圖）都唔喺身邊。今個月初一家大細返到英國，前晚歐巡賽第3站，Marco打得寧舍醒神，4強以4:3贏中國宿敵丁俊暉，只喺決賽以3:4負禾頓，最後得亞軍兼約12萬港元獎金。佢賽後仲不忘喺微博提醒香港球迷，記得下月9號到尖東名將桌球城睇佢友賽多名世界級球星，包括羅拔臣、梅菲、禾頓等。Marco返港前，仲要喺本周五到德國參加歐巡賽。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange