《信報》新老總郭艷明今日返工，執行總編輯陳伯添上星期五率先遞辭職信，兩人早年曾喺《蘋果》財經版共事，後來郭艷明離開，陳伯添留低，今次掉轉。陳伯添同八方講，未定離職日期，視乎交接工作而定，現時未有去向。佢話做新聞多年，既然有接班人，佢呢個執行總編輯樂得功成身退，「提早退休」。
之前有傳《信報》稍後轉做純財經報、唔做政治新聞，新老總會點做？相信好多人關心，事關《信報》批評狼振英火力唔細，好多評論甚有份量，《信報》中人話內部暫時未有咩風聲。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange