鄭秀文（Sammi）今日就踏入41歲，連日來大班朋友輪住同佢慶祝生日，上星期劉德華同導演杜琪𥧌率先同壽星女食飯，Sammi開心到擘大個口同華仔合照，噚日Sammi喺微博留言話：「我今年第一個生日dinner，跟我摯愛的一群一起慶祝。華仔向來滴酒不沾，所以我只有跟杜sir他們喝過爽！好快樂好滿足和悄悄感動的一夜。（快要40有1的mi，感恩）」
祝福滿瀉
而信教後多咗一班教徒好友嘅Sammi，咁啱教友前跳水皇后伏明霞（Michelle）都係同月生日，伏明霞喺16號度過34歲牛一，前晚羅霖、寇鴻萍、林燕妮、前港姐翁嘉穗、前新聞之花葉雅媛、樂蓓等教友就同兩位壽星女慶祝，羅霖同Sammi貼面合照並留言祝福：「祝兩位好姊妹Sammi和Michelle生日快樂！身體健康！主恩常在！非常開心和愉快的晚上！」至於寇鴻萍亦祝Sammi同伏明霞生日快樂、身體健康、永遠幸福！身為前港姐嘅佢仲同翁嘉穗、前亞姐羅霖合照，港姐、亞姐一家親。
撰文：馮仁昭
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24