動主播又出更啦！今次到三號嘅參賽者鄭倩薇（花花），熱愛環保嘅佢噚晚就去到領匯同商業電台合辦嘅低碳三十閉幕音樂會出更，仲訪問咗好多明星。
一去到就搵啲現場人仕問下佢哋咩係低碳，好彩有隊長吉吉幫手，好快就搵到幾個人肯接受訪問。有參賽隊伍衝線，花花就即刻捉住佢地訪問吓，佢地仲讚花花靚𠻹，訪問完花花話見到佢哋連續三十個鐘過住低碳生活，真係好有意義，下年都想去玩埋一份。
花花話第一次見到咁多明星，仲要訪問佢哋，初頭都幾緊張，不過訪問完有份參賽低碳三十嘅DJ當奴仲教咗好多訪問貼士畀花花。低碳三十閉幕音樂會有好多歌手，包括王菀之，藍奕邦，連詩雅(Shiga)，洪卓立， C AllStar，周美欣等。Shiga話：「為咗減碳響應環保，平時用電一定慳得就慳，而且仲好少買衫，就算啲衫唔要都會拎去捐，減少廢物又可以幫到有需要嘅人。」真係一舉三得呀！
做咗咁多訪問，花花話要即場示範點樣可以將一件唔要嘅衫加少少手工，變成一個獨一無二DIY環保袋，果然係環保人仕。完咗一日嘅拍攝，花花話學到好多嘢，第一次訪問就緊張啲，慢慢都越做越順，又話昨日唔辛苦仲好好玩，睇嚟佢真係好鍾意做動主播。
12位參賽者會有何表現？大家記得密切留意！
【動主播出更】
http://anchor.appledaily.com
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！