特首梁振英昨日結束第二次地區論壇之後，今日正式放大假，據聞有官僚甚至建制派中人對梁振英今次放大假頗有意見。
除了因特首在香港「立立亂」之時放大假、對外觀感欠佳外，更因本周二是行會復會，傳媒勢必追問黑道挺梁、社會撕裂等問題，始作俑者梁振英卻不在，難道旨在「好打得」的政務司司長林鄭月娥「硬啃」？
圖「拖拖吓冇件事」
有熟知梁做事作風的建制派人士指，梁面對不利他的問題，永遠採取「拖拖吓就唔存在」策略，好像當日發展局局長陳茂波陷新界東北囤地醜聞，梁卻在政府早禱會大談「調理農務」，藉大球場水浸談自己耕種心得近一句鐘，囤地醜聞卻輕輕帶過，充份顯示梁「唔想講就唔講，想講你唔想聽都要講，任何不利佢嘅嘢只要唔提，拖吓拖吓當冇件事」。
有建制派直言，幾件事例已證明「拖吓拖吓當冇件事」並不可行，反會惹來傳媒及反對派窮追猛打，若連行會復會首次會議，身為特首的梁也缺席，試問在這個情況下，行會又怎能討論社會撕裂的問題？屆時林鄭及一眾行會成員開完會後怎回應傳媒質詢？可見政府不斷捱打，豈會無因？不過，有官僚私下笑言，其實梁不開行會也有好處：「萬一CY話要企硬同反對派開戰，要林鄭同行會成員企晒出嚟撐佢，我諗佢哋真係唔知點好；CY唔喺度，起碼唔使火上加油硬碰硬」。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24