公民黨陳家洛一向都係Family man，公餘時一定抽時間陪屋企人。今個暑假，佢湊住一家大細，即係老婆連同四女一子齊齊返「外家」波蘭放暑假，包括去到華沙好著名嘅Park Lazienki親親小動物。
據知全程以家洛細仔道明最興奮，已經識行嘅道明，旅途上表情多多，尤其愛睇Lion King開頭10分鐘嗰首歌Circle of Life，次次睇到手舞足蹈。查實佢哋一家七口，前日夜晚先喺波蘭返嚟香港咋，本來噚日係要執屋，以及為今日開學嘅小朋友做好準備，但家洛同唔少市民一樣睇見黑特首就眼寃，所以噚日忙中都總動員全家着白衫去到CY個論壇外反黑。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange