【制度漏洞】
醫管局對公立醫院的手術一直有臨床稽核機制，會根據手術後出現併發症比率、病人留院期間死亡率、手術後30日內不治比率等，評估整體成效；惟相關數據亦受查核時期長短、病人病情輕重及年齡等因素影響，故經常受前線醫生質疑。而今次事件中指控余卓文的數據，亦因上述原因未能令人信服，至現時出現種種爭議。
涉醫院政治權鬥
有了解事件的心臟科專科醫生指威院處理事件實有不妥，伊利沙伯醫院早年有醫生為病人通波仔，十日內三名病人死亡，事件不了了之，而現時僅根據投訴人提供的數據，便要余卓文封刀，令人質疑醫管局是雙重標準，或涉及醫院政治權鬥。
該醫生又指不論事件誰是誰非，醫管局處理上都非常困難。「如果查咗出嚟係余卓文表現差，咁之前醫管局通波仔條數咁靚，莫非係造假？醫管局解唔通喎。」若是余卓文一直表現理想，投訴人指控是無理，那余卓文可以反告投訴人，以假資料損害其名聲，「告去醫委會，到時受理投訴嘅高層都被拖落水」。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange