【本報訊】新科女茶王莫佩玲再下一城，昨擊敗五名世界級高手，榮膺「國際金茶王」，為香港重奪失落一年寶座。莫師傅比前日更淡定專注，主持「撩傾偈」，她型格地「噓」一聲，便將心神放回茶壺。她自言看淡得失，比賽時「只係諗點樣沖好杯茶」，得獎後難掩興奮，連聲稱「好意外」，估計贏在奶茶夠濃夠熱，將來繼續沖靚茶回饋街坊，「話咗唔加價就一定唔會加」。
曾是教師的莫佩玲，殺校後轉行多年仍難捨教學抱負，只是由教英文變成教沖奶茶。昨天一早，今屆港區金茶王大賽其中一位參賽者到她茶餐廳求教，她義不容辭教足兩小時，「有機會想教多啲人」。她寄語有意入行的後輩「有心做就會成功」，切忌固步自封，「好嘅定義唔係自己可以感受到，茶客、街坊先係你嘅評分員，得閒試多啲人地嘅嘢，慢慢摸索自己嗰套」。
季軍師傅盼到醒記偷師
上海代表沈珠仁和悉尼代表談耀昌分獲亞、季軍。談早於1975年移民澳洲，但每隔兩年均會回港一次，除了探親，更因惦記港式奶茶，「澳洲好少餐室，而且質素比唔上香港，每次返嚟雲吞麵、奶茶一定走唔甩」。
他十多年前曾於悉尼經營咖啡室，主力沖咖啡，至近兩年轉行做殘疾人士服務，才開始鑽研奶茶之道，笑言無茶不歡的太太是其師傅，「每次都畀佢試味，初時佢成日話唔夠茶味，我咪慢慢加多啲粗茶葉」。他說，回澳後將盡力推廣港式奶茶，例如於10月的教會賣物會上義務獻技，讓參加者一嚐靚茶滋味。但他直言港式奶茶仍未打入澳洲市場，暫不考慮重操故業。談亦計劃到醒記露天茶座「飲番杯」偷師，「問莫師傅拎咗地址喇，臨走前一定會去」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange