日乙戰至第29輪，居次席的神戶勝利船繼續窮追榜首的大阪飛腳，周日作客中游的山形山神，劍指3分，2倍的客W夠和味。
日乙目前明顯已由飛腳及勝利船帶出，而後者落後4分居次席。不過，勝利船近期走勢確實不太穩，尤其上輪作客榜尾的FC岐阜，竟意外輸0:1，但這場敗仗或可刺激起球員鬥心，而且射手田代有三及後衞岩波拓上仗已復任正選，今場作客山神應狀態更佳。
山形山神已經7場不勝，近3仗都與對手打和1:1，但對該隊最不利的是，已連續13場聯賽有失球，可見防線脆弱，面對攻力強的勝利船必再現不穩，加上前鋒林陵平已多仗顆粒無收，數糊能力成疑，預料勝利船只要認真對待比賽，應可藉這場比賽重返勝軌，客W有2倍當然值捧。
同日日乙其他場次，飛腳主場迎札幌岡薩多，3分亦毫無難度，甚至有望開[-1]「主勝」。文：東尼
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange