【本報訊】特首梁振英上周出席地區論壇發言為社會分化火上加油，曾任問責局長的王永平質疑梁空談「香港營」，卻令香港淪落至「壁壘分明」，一言不合就大打出手的局面；另一前局長、平機會主席周一嶽也直言感到憂慮和痛心。代表商界及泛民的自由黨田北俊和公民黨梁家傑更不約認為，梁對社會分化要負責，梁家傑更預告擬向梁振英提不信任動議。
王永平：香港營壁壘分明
王永平與田北俊、梁家傑出席電台節目，三人均指梁振英令社會分化惡化，王質疑梁口中的香港營已壁壘分明：「𠵱家問題好似香港營就壁壘分明，一係你企我嗰邊、一係你企第二邊，一言不合就可能會打。」他又以梁要求教育局調查小學教師林慧思事件為例，指梁的做法令人不安，質疑「呢件事成個手法係咪同我一般理解嘅法治精神有啲違背？」，強調「政府撐警察我覺得必然，即使我做政府我都要撐警察，但撐唔係咁樣撐法」。
田北俊也同意社會分化，「有一部份理由係佢（梁振英）自己做成」，暗批梁做事自把自為，警告「如果你咁樣做行政長官，做到孤家寡人、得一個人嘅話，我覺得喺香港𠵱家呢個政治環境係管治唔掂」。
梁家傑更炮轟梁振英死抱敵我思維，斥「建立香港營靠佢就實死」，因梁振英處事違背香港重視有公義程序的原則，強調過去一年已顯示梁振英根本不適合當特首，表明公民黨正考慮立會復會後，向梁提出不信任動議。
出席另一場合的周一嶽則形容，社會越來越多衝突是一個警號和危機，對現況感憂慮和心痛：「我哋一向希望香港係一個自由、和平嘅地方，自由係我哋可容許不同聲音、不同言論，但係我哋同時要尊重別人，要保持和平、理性討論。」
另外，保衞香港自由聯盟、社民連、新民主同盟等多個團體約20人，昨由中環匯豐遊行到禮賓府要求梁振英下台。聯盟批評梁支持警隊偏頗執法，默許江湖人士襲擊請願市民，令警民關係更緊張，又批評梁要求教育局局長就林老師事件交報告是嚴重干預專業界別。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24