內地女星「巴辣」同佢經理人「雞毛」原來好冇品，早幾日關仁同空姐朋友傾偈，佢哋話上年巴辣喺韓國飛嚟香港，降落前空姐要求乘客將椅背校番直，點知巴辣同雞毛兩個當耳邊風，巴辣張椅仲要打橫瞓直晒咁滯，空姐叫佢校番直張椅，佢好不屑咁望吓空姐就閉目繼續瞓，雞毛仲好潑辣咁鬧個空姐打擾客人休息，識唔識禮貌，妹妹仔空姐搞唔掂，就搵師姐級空姐出馬，巴辣一樣唔賣賬，雞毛又撲出嚟大鬧，嘈到全個頭等艙都聽到，啲老外乘客睇到搖晒頭，結果要叫機長出嚟，佢哋兩個先肯死死氣校番直椅背。
撰文：關仁
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange