趙式芝（Gigi）昨日以得獎人身份現身銅鑼灣富豪酒店的全港時尚專業女性選舉頒獎活動，其太太楊如芯（Sean）恩愛支持，難得反對女兒私訂終生成為同志夫婦的父親趙世曾，及曾為二人感情事情緒崩潰的母親姚煒齊齊同場，傅明憲好不容易才拉着零交流的他們影一家四口世紀合照。但父母全程冷待Sean，令場面尷尬，趙式芝要找來老友傅明憲攝位分隔開父母和Sean。
趙式芝在台上感謝父母親及Sean，提到父親首度沒抗拒與Sean同枱，她表示：「見到有打招呼，香港係個細地方，經常會見到，爸爸已適應。」會否再安排飯局？她說：「暫時未有實質計劃。」
趙世曾速閃
趙世曾看完女兒攞獎即走人，他表示趕往參加慈善籃球賽，提起與前妻姚煒碰頭，他說：「佢寫字樓同我同一棟大廈，好耐冇見，都有兩、三年。」記者提到與Sean可有打招呼，他反應較大：「嗰啲唔好講，冇comment，講唔掂！呢啲係Gigi自己事，不嬲冇反對佢生活。」趙生表示不是對Sean有成見：「我覺得女仔應有自己的婚姻家庭生活，佢選擇點，父母干涉唔到，希望佢自己知點做對自己最好。」問到他始終希望女兒結婚生仔，他表示：「我希望佢結婚生仔，不過女大女世界！」
採訪：唐如
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！