【本報訊】面對當局全方位狙擊，各界挺身與林老師同行，繼早前發炮大罵特首梁振英「惟恐天下不亂」後，天主教香港教區榮休主教陳日君樞機決定身體力行，表明一旦林老師日後被告上法庭，會到庭相伴；他強調教會絕非鼓勵說粗話，但相信林慧思事發當日只是一時憤怒，未有想及粗言的真正含意，值得原諒，絕不應被送上法庭。
稱重案組調查過份
陳日君對警方派重案組調查林老師感到非常憤怒，「佢哋做大咗佢呢，係冇意思嘅，過份呀，過份，搵重案組查，如果佢去法庭，等我陪佢去呀」。
他解釋，支持林老師不等於支持說粗言穢語，教會亦絕非鼓勵講粗口，即使客觀上說粗言是不對，但判斷善惡要考慮多個層面，「例如一個人自殺喇，教會係咪好似以前咁，話呢個人肯定落地獄呢？梗係唔係啦，以前話自殺一定唔准葬喺天主教墳場啦，唔准公開幫佢開（追思）彌撒啦，𠵱家乜都准㗎喇……粗口當然唔啱啦，但一個人講粗口，你係咪話佢做咗件好邪惡嘅事？你有冇另外一個角度去睇呢件事？」
在上海出生的陳日君，認識上海粗口的含意，「好犀利」、「好邪惡」，「如果一個人講（粗口）嘅時候，係諗緊個詞語係乜嘢呢，咁就好邪惡喇，但好多人根本唔諗自己講緊乜嘢嘅，佢因為憤怒吖嘛，呢句粗口只係一種方式去發洩佢嘅憤怒，當然係一個好唔啱嘅方式啦，好多時唔係好謹慎、好深思熟慮咁爆咗一個粗口出嚟」。
他相信林慧思當時亦是一樣，「（粗口）唔係好嘅工具啦，嗰句話係好難聽，但佢有值得原諒嘅地方」。他指現時社會充斥說粗言穢語的文化，「文化上有太多粗口喺度，所以大家都好似冇咁驚，俾個唔好嘅文化渲染咗，不知不覺都會講」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange