動主播出更，噚日第一位準動主播1號嘅方榆汶（汶汶）就出動做訪問，初嘗做動主播嘅感覺。佢話比賽太多嘢做令佢唔夠瞓，皮膚仲好乾o添，而汶汶咁o岩收到嘅訪問題目就係護膚品牌，佢聽到即開心到彈起。
今次佢去到OT重災區之一嘅鰂魚涌，未做過主播佢就話：「第一次做主播一啲都唔緊張。」其間幾次訪問街客都食檸檬，不過佢自嘲面皮夠厚，孖著隊長吉吉一齊，最終都搵到人訪問。另外，唔夠瞓嘅汶汶更親身試咗精華露，事後佢高呼：「好爽呀！」
經歷咗第一次訪問嘅汶汶話原來做採訪一啲都唔簡單，要記熟問題之餘，仲要即場應付受訪者各種唔同嘅反應，少啲急才都反應唔到啊！性格爽朗嘅佢仲收到小禮物以作支持o添。
12位參賽者會有何表現？大家記得密切留意！
【動主播出更】
http://anchor.appledaily.com
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！