日前俾我哋影到單拖遊中環嘅李華月，打扮同舉止依舊騎呢，形容佢「明顯有老態」都唔係好過份箒。之不過高慧然忍唔住喺專欄幫口，話57歲嘅李華月，單憑佢步行速度同身形，似三十出頭多啲。確實，當年李華月真係烈女嚟，作風前衞大膽，嗰種先至叫有火！
話說95年，嗰時好興寫真集，唔係𠵱家𡃁模遮遮掩掩嗰啲喎，係實牙實齒剝晒嗰隻。咁當時李華月自知相貌平庸，但又好想上位，結果就諗到喺文武廟前剝衫剝褲，真係大吉利是！而當年所謂嘅脫星，不外乎三點盡露，但呢個李華月係都要嚟個激啲嘅，就係四點盡露！當時佢話：「每輯相都有唔同嘅主題，部份喺文武廟影，部份同蛇一齊影，而且仲有第四點睇。雖然我唔係咁願意，但都幾有宣傳價值。」講到最激，點都係佢嗰部標榜打真軍兼cult到爆嘅《血戀》，當年勁收390萬㗎！
撰文：阿Wow
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24