洪朝豐經歷抑鬱狂躁症的折磨，現年54歲的他希望尋找自己，上月往曼谷近郊的法身寺剃度出家，參與為期一個月的南傳佛法課程，獲賜古印度文佛號Saddhadipo，中譯為正信師傅，意思是端正信仰，每日靜坐修行細想人生。
靜修反省人生
完成短期出家課程的洪朝豐前日返港，昨午他在藍田接受本報專訪，還俗兩天的他眉毛仍未長出，樣子祥和沒往日的殺氣，他說：「第一次真正出家，每十日剃一次頭髮同眉毛，每日上佛學課靜坐修行，一日兩餐過五（時）不食，食方面要化緣靠信眾供養，初時唔適應，病咗廿日要睇醫生，問自己係咪要堅持，最終都堅持到。」
洪朝豐於06年患上抑鬱狂躁，年邁的洪媽媽就有老人癡呆，當時身在泰國的他希望藉剃度傳福蔭給媽咪，可惜他因不懂泰文被師傅拒絕，洪朝豐惟有自己剃頭。去年洪媽媽離世了，洪朝豐等了七年終時機成熟獲師傅剃度，他說：「我希望透過一個月出家體驗，搵吓自己係邊個？為乜嘢人喺呢個世上？以後要做乜？靜坐畀到我好多感受，泰國僧人刻苦剛毅，我想學吓南傳佛法，人嚟到呢個世界最大任務係乜？原來就係功德，功德就係波羅密。」
終生食藥治療
透過今次出家，洪朝豐思考人生意義和孤獨，透過靜坐了解人生，他說：「感受真係好深，我考慮定期去靜修。」至於出家對他的抑鬱狂躁有否幫助？洪朝豐說：「仲食緊藥，一世都要食，唔可以針對性講有冇幫助，但培養忍耐同唔會咁急，學會放鬆啲。」
採訪：張俊銘
攝影：陳俊強
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24