元朗某餐廳內，各路猛人褪下口罩食咖喱，不再「感冒」，爭相吹水。
「你睇我這一拳，非常一代宗師，打到班倒梁份子甩肺。」半圍枱霎時起鬨，一輪問候語之後，有人問：「我們班兄弟被通緝，念念不忘，幾時有迴響先？」為首的Ｘ哥叫大家放心：「元朗人這次咁出力，一定有高回報，將來別說丁屋起六層，發展收地，實預埋村民，有運齊齊行。」眾人亢奮粗口連篇預祝自己發大達，但有人憂慮：「689出名反轉豬肚，榨乾新界人之後，就當我們是阿夢！」此言一出，大家默然。還是Ｘ哥的金主撐住，承諾：「阿波哥應承過，絕對唔會過橋抽板！」邊位波哥？兄弟破口罵娘，以為指的是令狼哥午夜失眠的劏房波。「唔驚，是另一家波！聽佢講，政府唔會捱打咁被動，鬥爭會升級，廉記已經被搞掂，唔會郁自己人。差館有晒內線，同聲同氣，不偏不倚！」全場振臂歡呼，三呼梁朝萬歲，邪能勝正！「明日出巡觀塘的重頭戲，一定要見血，顯示我們梁家軍比駐港部隊更打得！」咁，到時差佬撐唔撐得過呢？有個細侄問。叔父擲水樽說：「撐！如果抄我牌，撐埋佢老母！」