新一屆港甲月底開鑼，足總勉強搞掂各隊主場安排，但電視直播仲未落實。「現在台」體育副總裁賴汝正噚日話，希望下周三足總董事會可以游說到全部甲組隊加入直播計劃。流浪總監李輝立講明，如播波安排做到公平公正，其實有得傾。李輝立話，之前有聽過甲組隊每月畀兩萬蚊，但換嚟全季只得3場主場直播，仲要指定對南華、傑志同飛馬（圖），咁安排變相益咗客隊。如果播波分配公平嘅，相信大家都會和和氣氣，捱埋今季，再睇下季港職聯上馬會唔會環境好啲。不過，東方總監梁守志就繼續企硬，聲言既然每個月同樣出咁多錢，now應該好似上季咁播足，睇吓足總高層夠唔夠牙力，喺下周三前游說各反對球隊加入。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24