新派探靈搵鬼影

小時候，大人常說睇見到人哋燒街衣，要小心說話。但這年頭小朋友膽大包天，喺臨近農曆七月十四甚至有人自組搜靈團隊，拎住部改裝紅外線（IR）相機，四出夜探靈界影鬼相！《恐怖熱線》主持Icy及玄學家方海閱都話，探討靈界途徑有好多，中唔中就因人而異喇。
記者：陳國輝　
攝影：劉永發　
模特兒：[email protected]

《恐怖熱線》主持Icy

FM收音機刺耳撞鬼

有人膽生毛渴望撞鬼，好似兼職模特兒嘅Icy，正職係深夜電台節目《恐怖熱線》的主持人：「我好喜歡探靈，試過去荒山野嶺啲爛屋，拎住部相機攝靈。可能無緣，至今都未親眼見證過。」
所謂靈異照片，佢只喺朋友度聽過：「件事發生喺墳場，當晚大家唔識死，又走去探靈，其中一人更在墓碑前攤開雙臂拍照。後來有人講番畀佢知，見到張相背景出現兩個唔同表情嘅人臉！」 Icy認為，拍攝靈異照片毋須特別技巧，最重要係點先撞到佢哋：「我哋探靈，最鍾意使用銅棒和熱能探測槍，一來有磁場，二來亦可借熱力感應靈體嘅位置。近年仲有新潮玩法，只需扭開收音機，並將頻道調校至最高或最低，一般來說唔會有聲，但假如聽到類似電磁波發出嘅刺耳聲，又或者突然間好大聲，恭喜你，應該撞到了！」

據說調校收音機頻道，也可知道靈體存在，你敢試嗎？

Icy已做了《恐怖熱線》主持一年多。

每次出動探靈，Icy會帶埋熱能探測槍作輔助。

西南燒街衣最易遇到

據玄學家方海閱師傅解釋，今年農曆七月為「二黑病符星」，如果你喺西南方位置，特別喺墳場、海灘、演神功戲及燒街衣嘅地方，由於此位置屬於坤卦，意即至陰之地，再加埋穿上黑色或灰色等冷色系衣服，會特別容易招惹靈體。另外，師傅還建議大家拍攝靈界之前，記得燒金銀衣紙，並用「招魂符」及「招魂鈴」作為輔助工具，成功機率將大大提升。