創興銀行（1111）創辦人廖寶珊家族第三代成員廖偉芬（Jennifer）旗下咖啡連鎖店The Coffee Academïcs，灣仔分店噚日正式開張，Jennifer見劇集《衝上雲霄II》大熱，開張派對就大玩機師、空姐主題，仲專登為班侍應整咗超過25套制服，自己亦扮機長。
仲貴過隔籬舖
聞說Jennifer凡有新舖開張，家人都會撐場以示支持，噚日都唔例外，阿媽廖湯慧靄、舅父湯文亮、細佬廖偉麟全部到齊。廖太旗下紀惠集團在港有大量商舖、寫字樓收租，灣仔呢間新舖正正就係Jennifer向阿媽租。
廖太爆料話，雖然租客係阿女，但冇收平租不突止，租金仲貴過佢隔籬啲舖。最多都係畀多三個月免租期佢，由一般兩個月變成五個月。真係數還數，路還路。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24