不是說天有不測之風雲的嗎？天文台雖然早已預告8號風球下午兩點左右會除下，一樣被網民指是有心玩嘢而鬧爆。打工仔都知落風球之後齊逼車上班，以及上班時間掛八號齊趕車回家的苦滋味。每間公司就員工於颱風或暴雨警告的安排，各有不同準則，我個人認為跟銀行指引最文明又大方，即是以中午12點為界線。否則兩點後落風球再花兩小時搭車塞車，返公司做一、兩小時的工作，會有幾productive？簡直勞民傷財攞嚟搞，徒添怨氣。倒不如大方一點讓員工多一日假放又如何？第二日返工精神爽利心情開朗，辦起事來都勤奮積極一點，效率生產力肯定都會有所提升。
不過大家為了幾多點落波要上班的問題、埋怨下午要逼車上班嘈到拆天的時候，可知有一班敬業樂業的九巴車長，為了服務我們廣大市民，一早自發整裝齊集酒樓隨時候命，巴士才得以第一時間恢復服務大家？要不是如今科技昌明影相方便，有讀者以手機拍下墟冚場面傳到報館，這班日日緊守崗位為我們默默提供服務的車長們的專業精神，有誰會知？又或者，who cares？由此應知打風後大排巴士龍，根本不關車長甚至巴士公司安排不周事， 只不過是太多乘客同一時間出門搭車而已。
善待車長可以嗎？
話就話職業無分貴賤，實際上有幾多人會尊重日日勞心勞力嘅巴士車長？有人以為開車之嘛有幾難？車長身繫整車人安危必須打醒十二分精神開車，又要輪班，有幾傷神大家可能體會嗎？路面狀況誰能控制？偶有誤班在所難免，但就被乘客罵個狗血淋頭，坦白講，做車長的人工可以有幾高？值得如此辛苦又受氣嗎？今後大家坐巴士，可會向車長們說聲唔該、或者辛苦晒？
張慧敏
http://www.facebook.com/HKcareerdoctor
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24