長和系主席李嘉誠計劃賣百佳，疑似撤資，佢今年4月以來又冇增持長實（001）、和黃（013），令市場更多猜測。咁啱，舊年11月先開始做和黃獨董嘅恒生銀行（011）一姐李慧敏，上周四竟然沽清15萬股和黃，套現1,367萬元，難道連董事都唔相信和黃可以變番做紅底股？
聯交所資料顯示，李慧敏本月8號，以平均價91.15元，沽晒15萬股。投資者最留意董事增持或沽貨嘅消息，算係探熱針嘅一種，李慧敏呢手貨話多唔多，無端端沽貨難免令市場更多揣測。
誠哥除咗今年4月各增持長實、和黃一次之外，就冇再增持，相反，其他大孖沙就積極掃貨，恒地（012）主席李兆基增持逾50次，會德豐（020）主席吳光正亦頻頻增持，啟示好大啫。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24