經歷多個大成交，殘股狂舞的市況終斷纜，不少朋友趁着暑假尾聲執平機票，旅遊網站Priceline上星期五創下了歷史新高，最高見994元（美元．下同），差點成為首隻衝破千元大關的標普500成份股。
雖然Priceline的市值與Google相距甚遠，但佢哋股價較金融海嘯低位翻了20倍，而Google由低位不過反彈兩倍幾！
擁有Booking.com、Agoda等的Priceline，第二季純利大升24%至4.37億元，超乎分析師預期，主要因為國際訂票業務按年增44%，而酒店訂房和租車業務都錄得38%和46%增長，這結果或者令曾經是單一大股東的超人和黃（013）和對沖基金老虎環球跌晒眼鏡，5月份有報道指出，老虎環球減持至38萬股。
咁快食糊無非係因為旅遊網站命運好唔同，好似Expedia業績就甩咗轆。講返Priceline營運模式真係未必人人敢抄，因為佢哋是以消費者出價和提供相關資料，而Priceline再回覆接受與否，Samantha對呢個覆來覆去的模式感覺麻麻，反而覺得佢哋更識做刁，起碼當年收購的Agoda已變成大肥肉。
Samantha
本欄逢周一、三、五刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange