肥佬黎對西班牙男人興趣不大，對西班牙菜卻情有獨鍾，有種炸辣椒，他稱「食極都唔厭」。GiGi說：「我真係要話畀你聽，我每一次返到去（西班牙），我老爺就會帶我去食呢隻辣椒，短嘅綠色嘅辣椒，香港冇得賣。」她說到興起，又講到西班牙人有個習俗，就是三五知己叫一盤綠色辣椒，當中十隻只得一、兩隻辣，眾人抽來吃，吃到辣的要付賬。肥佬黎即說：「咁我食得辣可以唔出聲㗎！」即被眾人訕笑。
西班牙男人的熱情和進取，亦應用在求婚上。Sergio跟GiGi認識兩個多月，便打算向她求婚，一度令GiGi感到不知如何向母親交代。結果Sergio來香港見家長，用真誠打動未來岳母，眾人均認為Sergio是好男人。倪匡說：「好彩撞到個好男人，真係好難㗎，我自己係男人，我知道男人壞嘅多。」
伴侶比錢重要
GiGi認為不應用好壞去判斷男人，只有聰明和愚蠢，聰明的男人會用聰明的方法處理感情。肥佬黎不敢苟同：「有啲好smart嘅，油頭粉面，得把口。有啲女人最壞想法，係我會改變到佢。我話畀你聽，唔會嘅！尤其衝動打女人嘅男人，佢跪喺度發誓，斬隻手指落嚟都係假，除非斬頭啦！千祈唔好相信打過你嘅男人，掂你都唔好畀佢掂，仆街，門口都唔好畀佢過！」GiGi只得連忙點頭。
節目尾聲，在座幾位均認為一個人上了年紀，最重要不是錢而是伴，直覺陳振聰所擁有的幾十億絕對是應得，蔡瀾補充：「係應得，但唔使咁貪心啫！」
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24