做娛樂圈最好嘅宣傳方法，緋聞都可算係數一數二，如果對象係紅人，效果更加顯著，好似內地嗰件新紮「極品」咁，先後同「大鼻子」同埋新鮮出爐嘅「皇上」傳緋聞，即時見效，聲價十倍。關仁啲公關界朋友當然打鐵趁熱想搵極品出席活動，因為實有見報率，但係最近關仁同啲公關老友傾開，就八到話強國出品嘅極品真係好有強國人風範，試過好早期有人斟過佢做活動，當然錢係要收，佢仲要向人哋公司係咁頴贊助同要求送免費產品，好似人哋欠咗佢咁嘅款，嚇到人哋走夾唔唞。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！