「蜘蛛女」鄭麗莎，冇；「健體空姐」余迪希，都冇。前晚喺九展舉行嘅國際健美錦標邀請賽只有新面孔，好似國泰空姐余迪希，將一身本領傳授畀21歲表妹陳祉冰。玩開體操、游泳嘅祉冰，第一次喺接近千名觀眾面前着比堅尼，佢話：「人一世，物一世，點都要試吓！」
賽前兩日先戒口節食嘅祉冰，仲未練出肌肉，最後喺女子健體賽包尾得第6，但無損佢出年再嚟嘅決心。男子全場總冠軍就由85公斤級嘅譚逸基奪得。場內精采，場外亦好熱鬧，29歲韓籍靚女選手池妍玉今次擔任評判，仲吸引好多男粉絲爭住同佢合照。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24