市值超過6,800億元嘅騰訊（700）今年真係威盡，以收市價計，由4月低位236元，升到去本月初375.6元。大摩之前仲畀個「宇宙最牛」目標價，話最樂觀可以去到507元。
市場咁睇好，騰訊第二季業績竟然交唔到貨，搞到一地眼鏡碎，不過大行唔理三七廿一，繼續聯手唱好。大摩將「宇宙最牛價」再輕微調升至508.1元，高盛亦將目標價提高四成，去到450元。成個氣氛都係有買襯手咁款。
但有間證券行堅決唔肯隨波逐流，野村由2011年6月開始一直叫沽騰訊，無論隻股點升，佢都唔轉view，舊年底至今，繼續睇死呢隻股只值180元。騰訊噚日收報368元，微跌0.5%，可見名牌大行嘅威力幾勁。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24