香港潮屬各界慶國慶籌備委員會噚日開會，現場除咗潮州商人林建岳同一眾潮州叔父外，八方竟然見到巨星幫歌手兼牙醫許廷鏗坐定定開會，原來屬汕頭人嘅佢早排返潮州拍攝一電視節目時，見番唔少堂兄弟，咁啱佢哋又係呢個會嘅成員，所以順勢入會。
怕唔怕加入愛國愛港嘅慶國慶委員會，會被視為建制派？許廷鏗話冇諗過政治問題，一心諗住身為潮州人，想為個「架己冷」會出少少力，唔排除嚟緊為個會表演唱歌㖭，但冇諗過為潮州人睇牙時會畀折頭喎。岳少噚日被問到點睇江湖人士打人時就話，啱啱返香港咋，唔太清楚事件，但一定唔想見到打人事件發生囉。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24