GiGi對於倪匡結婚54年來，一直與太太恩愛如昔，羨慕不已，追問下才知倪匡24歲便成家立室，倪說：「佢係夜校嘅同學，識咗四個月就同居。」眾人無不讚嘆他的前衞。倪說：「佢爸爸又好開通喎，你哋同居我唔反對呀，不過如果你得閒就去註冊吓啦。」然後又是幾下招牌式儍笑。
如今港人遲婚，推說是窮到買唔起樓，莫說成家。倪匡以過來人身份示範甚麼是窮快樂：「身邊得十五蚊，五蚊食個三餸一湯客飯，食完之後個半銀錢睇前座飛電影，再用幾毫子搭電車返去。」肥佬黎問：「冇錢點？」倪答：「冇錢咪聽日再搵！」說得口響，皆因倪匡有過人之處，他當年同時為十二份報章寫連載故事，最高紀錄日寫二萬字，他謙稱：「嗰陣時報紙專欄長篇小說好求其咋！」還是肥佬黎最抵死，他笑說：「有樣嘢精采喎，每個故事佢記得，送去邊個報館佢唔記得！」蔡瀾堅信倪匡是外星人。
看過衛斯理小說的讀者，一定對倪匡滿腦子的古靈精怪思想感到敬佩。節目中途，倪匡有意無意間還傳授寫劇本技巧，就是越荒謬情節，越吸引眼球。他說：「有次去台北，我去古龍屋企，佢搵我寫小說開頭。有個人生咗九個女，有九個女婿，我話呢個開頭唔好喎！佢問點解唔好呀？九個女九個女婿幾滑稽吖，我話你九個女嫁十二個女婿先奇怪吖嘛！係邵老闆（邵逸夫）教我，嗰時唔知邊個批評我話我寫劇本有啲地方唔通，邵老闆話唔通至有戲呀！平平淡淡有乜戲啫？」
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24