「Son姐，我有個做生意嘅舅父叫我唔好做保險，佢話𠵱家嘅人冇乜閒錢買，同埋始終個結構係大魚食細魚，好難生存。佢叫我搵份穩定工作，入貨試做生意，好似網上商品咁。聽完我當然唔會立即改變諗法，但可能兩方面都係了解下，始終我真係唔太清楚成件事係點。」
你之前曾來函就工作目標問我意見，後來你說你找到了，決定加入保險行業。才不過幾個月時間，你又來問？問來問去你無非信心不足想要答案，想要保證，你究竟還要浪費幾多青春時間、再問多幾多次、又再問多幾多人先夠？我時日無多麻煩你高抬貴手放過我，這是最後一次答你，下不為例！
你舅父講的「結構」的而且確是真理，不過非只僅保險業適用，我們活在一個根本就是弱肉強食、大魚食細魚的殘酷世界。適者生存，不適者被受淘汰，做人如是，做生意做甚麼工作亦完全一樣。莫非做生意容易，賺硬兼發達？你不妨問問你舅父他為生意付出過多少血汗？當中經歷過多少風急浪湧又有幾辛酸？你會以為是手到拿來一帆風順咁輕易？
只識逃避會一事無成
枉你是個現職保險從業員，你要是有信心夠專業，被舅父搶白你應該指出謬誤馬上澄清他錯得很！我這個外行人所知的皮毛還比你多？今時今日保險不是有閒錢才買的玩意，是和我們每個人的生命生活都息息相關的必須！做生意要為貨物為店舖為廠房投保，為員工買勞保還有要供MPF，否則血本無歸是小事，犯法監都有得你坐。
要了解不是你入行之前應該了解夠？你肯定做得不出色意興闌珊，所以三心兩意。你唔清楚的是你自己究竟想點！只識逃避不肯面對，我敢講最終肯定一事無成！
張慧敏
http://www.facebook.com/HKcareerdoctor
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24