【業績失望】
放榜前爆升的騰訊（700）最終交出一份遜預期的成績表，預期今日股價難望爆上。證券界亦指出，騰訊今日股價或回軟，短期內難再創新高，「好似之前匯控（005）咁，好大憧憬先炒上嚟」，不過仍然建議投資者可以趁低吸納。
分析稱估值偏貴
騰祺基金投資管理董事沈慶洪認為，騰訊中期業績遜預期，主要受廣告推廣開支大增影響，「要爭取更多客戶，使多咗錢都冇辦法，問題大不」。同時，他不排除第二季業績遜色，與撞上考試季節有關，「有少少季節性因素，但第三季係暑假，業績可能回升」。雖然他看好騰訊前景，特別是廣告收入增長逾五成，但不諱言現時該股偏貴，「市盈率成四十幾倍，但增長得唔夠兩成，就咁計估值偏貴」。
對於市場之前憧憬騰訊可靠業績刺激股價突破400元，沈慶洪相信，騰訊股價短期內難再創新高，「有一段調整期，視乎有冇新催化劑，或者阿里巴巴會唔會在年內上市，第四季才有機會試400元」。
他補充，騰訊在內地互聯網具「獨市」優勢，仍看好該股前景，「回落會係吸納好時機，可以長揸」。
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24