亞洲盃外圍賽周四繼續A組第2輪外圍賽，敘利亞與約旦在伊朗中立場交鋒；約旦首戰已大數新加坡，加上獲效力羅馬尼亞甲組球隊前鋒歸隊，可望擊敗敘利亞，平手盤宜取約旦。
因政局問題，今仗在伊朗德黑蘭舉行。約旦首戰已憑前鋒希耶爾梅開二度，4:0大炒新加坡，今仗陣容完整，大軍以效力中東球隊球員為主，包括在科威特「搵食」的希耶爾、效力沙地阿拉伯球隊的老牌前鋒迪比等。另外，效力羅馬尼亞甲組球隊加斯梅登的前鋒巴華比，亦獲徵召，這位28歲前鋒過去更在歐霸盃上陣，級數在亞洲球員來說算不錯。約旦近期友賽積極備戰，更連勝巴勒斯坦及利比亞兩軍，甚至過去在世盃外，也曾擊敗日本。今仗開出平手盤，抵博！
敘利亞首戰已不敵阿曼，陣容最大名氣為土超卡森帕沙前鋒馬爾基，另外老牌國腳拉積拉菲也是入球泉源；但球隊自3月至今已沒有正式比賽，狀態成疑。雖然往績上對約旦佔優，近6次對約旦取得3勝2和1負，但世界排名已跌至147位，比約旦低76位，今仗亦失去主場優勢，不值支持。文：牽牛
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange