教育局長吳得掂早前一時口快，自爆外訪新加坡同墨爾本實則係放假，民主黨黃碧雲就同吳得掂相反嘞，放緊悠長暑假嘅黃碧雲𠵱家身在加拿大。咪以為佢喺fb貼咗張攝於溫哥華史丹利公園（Stanley Park）非常出名嘅印第安人圖騰嘅相，就以為佢嘆世界，原來佢此行有重任在身，稍後會同當地關心香港民主進程嘅人士，講解港僑喺呢個問題上可以有乜嘢影響力。
無獨有偶，幾位民建聯核心包括主席譚耀宗、副主席李慧琼，陳克勤以及陳恒鑌，近日亦破天荒組團去咗溫哥華訪問當地華僑，日前除咗到訪有成107年歷史嘅中華會館，同當地同聲同氣愛國同胞簡述民建聯發展外，亦禮節性拜訪中國駐溫哥華總領事劉菲，話唔定有機會同黃碧雲異地巧遇。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange