半島酒店嘅嘉麟樓迷你奶黃月餅，年年搶購一空，半島今年搞搞新意思，推出可能係全城最貴嘅月餅（可能咋，冇違反商品說明條例啩）。塊面咁大嘅八黃金輝月係一個有八個黃嘅白蓮蓉月餅，用人手製木盒盛載，一個賣$1,080！福臨門嘅「六十五禮讚」雖然賣$6,880，但係就有七個月餅、八隻乾鮑、燕窩等。
手做木盒幾有氣派，八方切開個餅，白蓮蓉幾滑，隻隻蛋都好漏油；八個黃個個都要回油做得好，確實好考師傅功夫，但係咪真係值成千蚊？只可以講句，面子大過天，半島話訂購顧客多數係用嚟送禮嘅。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange