睇娛樂版經常見到某女藝人同金融才俊拍拖、結婚，通常呢位金融才俊好少被起底，啱啱娶咗2007年世界小姐冠軍張梓琳嘅呢位金融才俊就唔同，兩人早前宣佈喺布吉舉行婚禮，內地金融界即刻幫佢老公起底，原來佢係中信嘅投行賓架。
香港人對張梓琳可能唔太熟悉，但佢喺內地嘅知名度好高，相當於「內地版林志玲」，大家當然想知佢嫁畀邊個。
內地傳媒就爆料，指新郎係中信証券債務資本市場部高級副總裁聶磊（Neil），31歲。睇外形兩人絕對係天生一對，佢哋將戀情冚得好密，直到早排喺布吉結婚，新郎張相曝光先俾人起底。
投行賓架一直畀人好搵得嘅感覺，總之係筍盤，但隨住近年金融業環境麻麻哋，原來行情亦有變，內地仲有一句「好男不娶新聞女，好女不嫁投行郎」㖭。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange