一代性感女神鍾麗緹（Christy）近年主力留在內地發展事業，感情方面有傳與內地億萬富豪Andy撻着。日前Christy帶同五歲的二女Jaden及三歲的孻女Cayla為女性雜誌拍攝專輯，表達勇敢愛的主題。43歲的Christy身形依然keep得好好，fit爆的她大騷長腿，至於甚少曝光的Jaden與Cayla活潑鬼馬，拍攝期間兩名囡囡全程爭住錫Christy，又拉着媽咪的長腿玩捉迷藏，三人盡顯親密母女情。
幸福擁三女
Christy透露現在有三名女兒，已感到十分幸福，她表示：「男人審視女人質素標準通常都係圍着年齡、三t圍數字，自己覺得內心強大，自由樂觀自然可以keep到女人美麗。」現在是單親媽媽的Christy，十分重視與囡囡的溝通，她說：「自細我就被屋企嚴格咁管教，直到長大後先搵到同父母嘅溝通方式，所以我都希望自己同囡囡之間可以一直有暢通嘅溝通，成為一個連自己都想擁有嘅媽媽。」
Christy暫時與Andy未有結婚打算，早年與第一任外籍丈夫Glen Ross育有一女，02年離婚後，與台灣音樂人嚴錚結婚，二人育有兩名女兒，不過在前年終告離婚收場，結束第二段婚姻。
撰文：唐如
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！