港大法律學院副教授戴耀廷自從提出佔領中環後，即刻變成大忙人，訪問、論壇、電視、電台都有佢蹤影。早兩日戴耀廷分享對佔中嘅睇法時都講笑話，以前佢只係花生友一名，久唔久月旦吓政事，𠵱家要親自落場，仲要兼顧教學工作，真係忙到不得了。
不過，幾忙都好啦，戴耀廷唔會唔顧老婆感受。原來戴太見到老公多嘢做成咁，好鬼肉痛，忍唔住問佢咁搞法會唔會短命咗，短到早死過自己？真係大吉利是！戴耀廷即刻展現溫柔一面，答應太太一定會遲死過佢，估唔到佢冧老婆都有一手喎。
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24