【哀】荷蘭國家隊星期二喺葡萄牙備戰友賽時，不幸上演一幕「火星撞地球」。約拿芬迪根斯文喺操練時發生意外，同隊友古積特頭撞頭；前者撞到暈陀陀之餘，仲要爆晒缸，經在場軍醫包紮好傷口後，仲要用擔架抬上白車（左圖）；而古積特個頭認真硬，佢就冇乜事，只係流咗少少「蚊飯」（上圖）。約拿芬迪根斯文送醫檢查後，證實有輕微腦震盪，情況唔算嚴重，唞兩個禮拜就應該冇事，但幾可肯定唔可以喺星期六嘅英超揭幕日，幫史雲斯上陣鬥曼聯。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange