足總同FanXT合作推出嘅港甲足球經理人（fantasy）前晚開始接受登記，有得玩喇！唔少球迷都話正。球員資料係根據上季統計去定，最貴係上屆聯賽神射手麥基（$1,660、左），最平嘅球員有好多個都係$360，好似東方一班舊人黃鎮宇同姚學文等。每名玩家會有$13,000買11個正選同4個後備；計分就按球員聯賽表現，正選落場有2分，後備落場1分，前鋒入波3分，中場入波5分等；每月最高分嘅球迷仲有nike獎品㖭。有興趣球迷可免費上（ http://fantasyhkfa.fanxt.com）登記玩吓。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange