強國人嚟到港澳自由行，若然唔知去邊吃喝玩樂好，八方推介佢哋勾結本港「外國勢力」，參考美國駐港澳總領事夏千福嘅港澳遊樂搵食路線圖，事關7月底先嚟港履新嘅佢，足迹已經遍及港澳唔少景點同食肆，次次都好happy，最近過埋大海去澳門搵食，唔係入賭場食大茶飯，而係去咗好出名嘅海灣餐廳開餐啫。
嚐海灣餐廳非洲雞
夏千福真係算食家，之前已經去過香港老字號、灣仔金鳳茶餐廳嘆馳名奶茶、雞批同蛋撻；上星期首度踏足澳門視察之餘，順便同職員踩入下環河邊新街嘅海灣餐廳嘆正宗葡國菜。
據知呢間極有情調嘅餐廳成日爆棚，埋單落樓平均每人二百蚊啦。夏千福當日就品嚐咗餐廳招牌菜非洲雞同葡式焗鴨飯。由美領館上載嘅facebook相片可見，夏千福攞住刀叉老實唔客氣大快朵頤，睇嚟係擦得之人。
除咗醫肚，夏千福之前已經去過茶具文物館、洪聖古廟同荷李活道一間二手書店，次次到此一遊後就影相放上fb同市民share遊歷。領事館消息透露，夏千福最快9月同傳媒tea一tea，唔知到時會唔會推介心水港澳米芝蓮呢？
夏千福港澳足迹
mailto:[email protected]
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24