憑《衝上雲霄II》Cool魔角色人氣勁升的張智霖（Chilam），日前偕老婆袁詠儀（靚靚）及囝囝慕童（魔童）在銅鑼灣享受親子樂，他們一家三口在下午5時行去時代廣場後門等七人車接載，兩公婆戴住黑超，靚靚手上挽住個小朋友語言學習中心的手挽袋，估計魔童之前上完堂，Chilam夫婦一齊湊仔放學。
生日打尖嘆一蘭
Cool魔昨日踏入42歲農曆生日，剛巧遇上天文台在下午懸掛三號強風信號，他在微博留言：「今天農曆生日的我……真的呼風喚雨了！」靚靚同時也在微博放了陪老公去吃拉麵慶生的照片，並留言：「食拉麵，君（Chilam）的生日願望就是食拉麵，今日居然心想事成還不用排隊，果然呼風喚雨是有好處的。 」
昨日致電問Chilam會否大搞生日會？他說：「唔會啦！同老婆去咗食拉麵已經好滿足。」據悉昨日他兩夫妻是去銅鑼灣吃一蘭拉麵，店員見到Cool魔大駕光臨，又知道是他生日，所以特別網開一面不用他們排隊。
採訪、攝影：彭琮然
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！